Chand see Larki ( Moon Girl)

چاند سی لڑکی

سنو اے چاند سی لڑکی

ابھی تم کہہ رہی تھی نا---

کہ تمہیں مجھ سے محبت ہو نہیں سکتی---

چلو مانا کہ یہ سچ ہے---

مگر اے چاند سی لڑکی---

مجھے اتنا  بتاؤ تم---

 کہ جب موسم بدلتے ہیں---

گُلوں میں رنگ بھرتے ہیں---

تو پھر کیوں مضطرب ہو کر---

اکیلے پن سے گھبرا کر---

ہوا کو راز دیتی ہو---

مجھے آواز دیتی ہو---

تمھارے سامنے جب کوئی---

میرا نام لیتا ہے---

تو پھر کیوں چونک جاتی ہو---

چلو مانا کہ تمہیں مجھ سے محبت ہو نہیں سکتی---

مگر اتنا سمجھ لو تم ---

جہاں چاہت نہیں ہوتی---

وہاں نفرت کے ہونے کا کوئی امکان نہیں ہوتا—

مگر دعویٰ ہے چاہت میں ---

جہاں نفرت نہیں ہوتی---

وہاں اکثر یہ دیکھا ہے---

اگر کچھ وقت کٹ جائے—

سمے کی دُھول چھٹ جائے--

تو وحشت بھاگ جاتی ہے--

محبت جاگ جاتی ہے---