Mujhat tum say Muhabbat hai ( I love you now )

نظم

مجھے تب بھی محبت تھی

مجھے اب بھی محبت ہے

 

تیرے قدموں کی آہٹ سے

تیری ہر مسکراہٹ سے

تیری باتوں کی خوشبو سے

تیری آنکھوں کے جادو سے

تیری دلکش اَدؤں سے

تیری قاتل جفاؤں سے

 

مجھے تب بھی محبت تھی

مجھے اب بھی محبت ہے

 

تیری راہوں میں رُکنے سے

تیری پلکوں کے جھکنے سے

تیری بے جا شکایت سے

تیری ہر ایک عادت سے

 

مجھے تب بھی محبت تھی

مجھے اب بھی محبت ہے

 

Kabhi yaad aaiy ( If You Remember )

نظم

 کبھی یاد آۓ تو پوچھنا

ذرا اپنی خلوتِ شام سے

کسے عشق تھا تیری ذات سے؟

کسے پیار تھا تیرے نام سے

ذرا یاد کر وہ کون تھا۔۔

جو کبھی تجھے بھی عزیز تھا

وہ جو مر مٹا تیرے نام پر۔۔

وہ جی اُٹھا تیرے نام سے

ہمیں بے رُخی کا  نہیں گلہ ۔

کہ یہی ہے وفاؤں کا صلہ۔

مگر ایسا جُرم تھا کون سا؟

گیٔے ہم دُعا و سلام سے

 کبھی یاد آۓ تو پوچھنا

ذرا اپنی خلوتِ شام سے

 

Bahut hi maan hai Tum per ( I am proud of you )

نظم

بہت ہی مان ہے تم پر

سنو پاسِ وفا رکھنا

سبھی سے تم ملو لیکن

ذرا سا فاصلہ رکھنا

بچھڑ جانا بھی پڑتا ہے

ذرا سا حوصلہ رکھنا

وہ سارے وصل کے لمحے

تم آنکھوں میں سجا رکھنا

ابھی امکان باقی ہے

ابھی لب پر دُعا رکھنا

بہت نایاب ہیں دیکھو

ہمیں سب سے جُدا رکھنا

 

Kabhi jo hum nahi ( We will never with you )

نظم

کبھی جو ہم نہیں ہوں گے

کہو کس کو ستاؤ گے؟

وہ اپنی اُلجھنیں ساری

وہ آنکھوں میں چھپے آنسو

کِسے پھر تم دِکھاؤ گے؟

کبھی جو ہم نہیں ہوں گے

بہت بے چین ہوگے تم

بہت تنہا رہو گے تم

ابھی بھی تم نہیں سمجھے

ہماری ان کہی باتیں

مگر جب یاد آئیں گی

بہت تم کو ستائیں گی

بہت چاہو گے پھر بھی تم

ہمیں نہ ڈھونڈ پاؤ گے

کبھی جو ہم نہیں ہوں گے

 

Gulaabi hontoon pay ( Pink lips )

نظم

گلابی ہونٹوں پہ مسکراہٹ

سجا کے ملتے تو بات بنتی

وہ چاند چہرے سے کالی زُلفیں

ہٹا کے ملتے تو بات بنتی

 

مجھے بھی خود پہ غرور ہوتا

مجھے بھی حاصل سرور ہوتا

اگر وہ آنکھوں سے روز مجھ کو

پلا کے ملتے تو بات بنتی

 

دُکھوں کی تاریکیوں میں جاناں

نہ میں بھٹکتانہ وہ بھٹکتے

دیئے وفا کے دِل و نگاہ میں

جلا کے ملتے تو بات بنتی

 

بہار کی اِس سُہانی رُت میں

مجھے بھی شہزادؔ چین ملتا

اگر وہ دانتوں میں سُرخ آنچل

دبا کے ملتے تو بات بنتی

 

Dill mai jo hai ( Whatever in the heart )

غزل

دل میں جو کچھ ہے بتاؤ کیسے

تجھ کو، تجھ سے ہی چھپاؤ ں کیسے

وہ یقیں ہو کہ گماں لگتا ہے

اُس کو آنکھوں میں بساؤں کیسے

زندگی دردِ مجسم ہے مگر

جیتے جی خود کو بچاؤں کیسے

ہر قدم درد بڑھاتی جاۓ

ایسی دُنیا سے نبھاؤں کیسے

آگ لگنے سے دُھواں اُٹھتا ہے

دِل کو جلنے سے بچاؤں کیسے

راستے میں جسے کھویا تھا کبھی

اپنے گھر اُس کو ُبلاؤں کیسے

کتنی یادوں کا پری خانہ ہے

اپنے اِس گھر کو جلاؤں کیسے

راشدؔ فاضلی

 

Marhallay shouq kay ( Stage of interest )

غزل

مرحلے شوق کے دُشوار ہوا کرتے ہیں

ساۓ بھی راہ کے دیوار ہوا کرتے ہیں

وہ جو سچ بولتے رہنے کی قسم کھاتے ہیں

وہ عدالت میں گُنہگار ہوا کرتے ہیں

صرف ہاتھوں کو نہ دیکھو کبھی آنکھیں بھی پڑھو

کچھ سوالی بڑے خُودار ہوا   کرتے ہیں

وہ جو پتھر یونہی رستے میں پڑے رہتے ہیں

اُن کے سینے میں بھی شہکار ہوا کرتے ہیں

صبح کی پہلی کرن جن کو رُلا دیتی ہے

وہ ستاروں کے عزادار ہوا کرتے ہیں

جن کی آنکھوں میں سدا پیاس کے صحرا چمکیں

در حقیقت وہی فنکار ہوا کرتے ہیں

شرم آتی ہے کہ دُشمن کِسے سمجھیں محسنؔ

دُشمنی کے بھی تو معیار ہوا کرتے ہیں

محسؔن نقوی