Baharoon ko Taqleef hoti hai

غزل

چمن میں جب بہاروں کو بڑی تکلیف ہوتی ہے

یہ گل تو گل ہیں خا روں کو بڑی تکلیف ہوتی ہے

زمانے سے نرالی ہے ہماری آبلہ پائی

چلیں تو خار داروں کو بڑی تکلیف ہوتی ہے

فقیرِ بے نوا مجھ سااَگر حق بات کہتا ہے

سُنا ہے تاجداروں کو بڑی تکلیف ہوتی ہے

جو بُجھ جاتے ہیں ٹکرا کر سدا میرے نشیمن سے

سُنا ہے اُن شراروں کو بڑی تکلیف ہوتی ہے

کسی محفل میں جب ذکرِوصالِ یارچِھڑتاہے

تو ہم فُرقت کے ماروں کو بڑی تکلیف ہوتی ہے

کناروں پر ڈبو دیتی ہیں جو مو جیں سفینوں کو

تو پھر بے بس کناروں کو بڑی تکلیف ہوتی ہے

شکؔیب ایسی ٹھنی ہے اب کےخاروں اور بہاروں میں

کھلیں جو گل تو خاروں کو بڑی تکلیف ہوتی ہے

ارشاد احمد شکؔیب