Raat Ki Rani

غزل

یہ بات کہاں رات کی رانی میں ملے گی

خوشبوِ وفا لوک کہانی میں   ملے   گی

لاتے نہیں لب پر جسے حالات کے ڈر سے

ہاں بات وہ اشکوں کی روانی میں ملے گی

لفظوں کی حلاوت کسی تحر یر میں ڈھونڈو

لہجے کی کھنک شعلہ بیانی میں ملے گی

کردار کی عظمت ہوکہ سچائی کی حُرمت

ہر زندہ جاوید کہانی  میں ملے گی

اشکوں کا بڑا ربط ہے گہرا میرے دل سے

رنگت بھی لہو کی اسی پانی میں ملے گی

وہ وار کبھی دوستوں جیسا نہیں کر تا

ایک یہ یہی صفت دشمنِ جانی میں ملے گی

گھر چھوڑ کے جاتے نہیں خود اپنا پرندے

سازش کوئی اس نقل مقا نی میں ملے گی

ہو تے ہیں تقاضے نئے ہر عہد کے جوؔہر

شوخئِ سخن عہدِ جوانی میں ملے گی