Qurbatoon Ki Dua

غزل

بچھڑے تو قربتوں کی دُعا بھی نہ کر سکے

اب کے تجھے سُپردے خُدا بھی نہ کر سکے

تقسیم ہو کے رہ گئے صد کرچیوں میں ہم

نامِ وفا کا قرض ادا بھی نہ کر سکے

نازک مزاج لوگ تھے ہم جیسے آئینہ

ٹُوٹے کچھ اِس طرح کہ صدا بھی نہ کر سکے

خُوش بھی نہ رکھ سکے تجھے اپنی چاہ میں

اچھی طرح سے تجھ کو خفا بھی نہ کر سکے

ایسا سلوک کر کے تما شائی ہنس پڑیں

کوئی گلہ گزار، گلہ بھی نہ کر سکے

ہم منتظر رہے کوئی مشقِ ستم تو ہو

تم مصلحت شناس، جفا بھی نہ کر سکے

 اعتبار ساؔجد