Muhabbat hum bhi kartay hain ( We love too )

نظم

بہت آسان ہے کہنا

محبت ہم بھی کرتے ہیں

مگر مطلب محبت کا

سمجھ لینا نہیں آسان

محبت پا کے کھو دینا

محبت کھو کے پا لینا

یہ اِن لوگوں کے قصّے ہیں

محبت کے جو مُجرم ہیں

جو مل جانے پہ ہنستے ہیں

بچھڑ جانے پہ روتے ہیں

۔۔۔۔۔سُنو۔۔۔۔۔۔

محبت کرنے والے تو

بہت خاموش ہوتے ہیں

جو قُربت میں بھی جیتے ہیں

جو فُرقت  میں بھی جیتے ہیں

نہ وہ فریاد کرتے ہیں

نہ وہ اشکوں کو پیتے ہیں

محبت کے کسی لفظ کا

چرچا نہیں کرتے

وہ مر کے بھی اپنی چاہت کو

کبھی رُسوا نہیں کرتے

بہت  آ سان ہے کہنا

 محبت ہم بھی کرتے ہیں۔۔